انا ؟؟ ؟

امس جتني حالة اسال كل الي معاي ماسنجر حتى الي ماكلمتهم من زمان واشوف اجوبتهم كلهم ايش يتفقون عليه طلع اشياء كثيرة
كلهم اتفقوا عليها

كان السؤال

كيف هي شخصيتي بعيونكم و ايش الشي الي مايعجبكم ويعجبكم فيني ؟

.

توتو

اشخصيتك بعيني عنيده وقلبك طيب حنووووونه وخوافه واذا خفتي لازم تخوفيني معاك وتصحيني من النوم عشان اشاركك..

تهتمين لمشاعر الناس..

دمعتك سريعه وعلى اتفه شي << كني اشوفك لما لقيتي غرفتك مقفله

مايعجبني تدورين الشي اللي ابيه عشان تعانديني :S

اهمالك احيانا ومواقفك في بعض الأشياء والروتين اللي ماتتحملين تغيرينه..وبعض الأطباع الي وصلتي لها اخر فتره غيرت اشياء كثير فيك

مااحب فيك انك ملوله وبسرعه يتغير مزاجك

ويعجبني انك ماتعرفين تزعلين وماتحقدين على احد

كثير يشوفونك متشائمه بس انا اشوف عندك امل كبير بالله صح ماتنسين الأشياء اللي تأثر فيك بسرعه لكن كل شي يمر عليك يضرك من ناحيه ويقويك في نواحي كثير واحب هذا الشي فيك

خوخه :

مسالمه بحااالك عندك اهتمامات ماتتغير لو تنقلب الدنيا ولاتزيد

مضحيييييه مضحييييه بعدها تقلبين وتحوسين الدنيا

اسفه صديقتي بس لان شخصيتك تغيرت عن اول للأسوا ..اهاوشك عشانك بوضعك هذا

وسيع صدرك لكن لوقت محدد بعدها تقلبين

قلبك طيب بعنننف يعني رحومه ممكن توصل لدرجة خكريه

مو خدومه زوله بس الواحد يرتاح يقولك عن اي شي

ماعرف اخبي عنك اااااي شي لازم احكي لك عن كل شي يصير لي واخذ برايك

ابيك ترجعين تلك الفتاة المرحه البريئه التي تعيش يومها بهدوء وتفائل ليس بتكشيره

خفيفة دم و متفاهمه مزاجيه صبوره وطموحه وتحبين تساعدين الناس او تشوفينهم مبسوطين

صديقه بمعنى الكلمه ((صديقه واخت بأمتياز ))

هذي شخصيتك انا اشوفها كذا بأختصار مع انها متناااااقضه كثير

قطو

شخصيتك ممتازه ...الي يعجبني فيك صراحتك ...والي مايعجبني فيك صراحتك بعد

منو

حساسه..احسك بسيطه وتحبين تعيشين الحياة بس تخافين الناس تفهمك غلط فعشان كذا تصيرين تمسكين نفسك<<بالمنتدى ماحس تنطلقين بالحكي <<تحليلي زي وجهي

وفيه شغله احسك تحبين اي شي موب هنا وحايمه كبدك من هنا وطقوس هنا واهل هنا

jewel

مممم شخصيتك مرت بمراحل كثيره ماحددتي اي مرحله اللي تبيني احكي عنها بس راح احكي عن شخصيتك حالياً لأن شخصيتك اول كان لايعلى عليها وماعندي فيها اي ملاحظات كنتي
عايشه حياتك طول وعرض وماكان يكدر صفوك اي شي كنتي رغد اللي ماتعرف شي اسمه تكشير ..

اما الفتره الحاليه ومن مده فقدت رغد بقوووووه بقوووووه

ماأبي رغد اللي معي بجسمها وبس

ابي رغد كلها ..مررره مايعجبني فيك قوة ارادتك لأني اعتبرها نقطة ضعفك ومايعجبني فيك طبعك اذا تعودتي على أحد تتعلقين فيه بشكل فضيــع لدرجة انك ماتقبلين هالشي
وتحاولين تهربين عن الواقع حتى لو انتي عارفه ان هالشي مامنه فايده

عندك استعداد تعيشين بأحلام وانتي عارفه انها بالنهايه احلام وتضيعين وقتك فيها وبس

(( بدأت بالإنتقاد لمصلحتك )) ..

نجي للي يعجبني بشخصيتك فيـك طيبه وطهـاره ماشفتها بأحد خدووووم ومضحيه بشكل مو طبيعي ربي يسعدك

LANCOM

يعجبني في غودي انها خدووومه ماشاء الله عليها وتخدم بعيونها طيبه وحبوبه اعتبرها اختي وكاتمه اسرار لما الواحد بقولها لاتعلمين اعرف ان مستحييل يطلع منهاالسر

اللي مااحبه فيها ان الجوال مايكون معها 24 ساعه مو على طول الاقيها

Hysteria

لك صفات حلووه كثيير .. مو موجوده بااحد وفيه كثيرر يتمنونها ولك صفااات سيئه ..

:]الصفات الحلوه : انك حكيمه وهااديه اثق اخذ رايك واقولك اسراري .. كتومة ..صادقه وصريحه .. و تجاملين الناس بزياده ايام .. بس اذا صار هالشي غلط راح تقلبين صريحه ومااتسكتيين ابد عالغلط طيووبة وقلبك صافي..مسالمه ..مضحيه .. وعاادله .. غاامضه ماادري هالصفه اعتبرها سلبيه او لا

الصفات السيئه : ماتحبين الطلعات والوناسه .. يمكن اعتبرها انا انها تطفش لكن انتي قمه السعاده عندك هذي كتووووومه مرره ماتحبين تتكلمين عن مشاعرك دايم تخفينها وهذا شي سيء لك انتي بنفسك ...

لانك تحطمين نفسك من جوا

خجوووله بزياده ومو اجتماعيه وهذي فيني بعد واعتبرها صفه سلبيه اذا زادت عن حدها

تحبين الاشياء القديمه وتتعلقين فيها بزياده ولا تحبين تتغيرين وتمشين حيااتك تبينها على طوول مثل حالها ..

مهمله كثيييييييييييييييييييييييييييييير وماااتصحين الا بعدييين اذا راحت عليك مو عايشه يومك ولا مستقبلك .. بس بماضيك اشووف فيك كأبه بس ماتحكينها لحد .. يمكن الناس يشوفونها بزياده لانهم بس يعرفونه من بلووقك ماعاشو معااك ..

انا اشووفك متفائله بعد لكن فيك كابه مالومك هالاياام عشان اشياء كثيرة صارت لك .. بس ان شاء الله في فتره قريبه ترجعين رغد اختي الي اعرفها الهبلا خفيفة الدم :p

Hajar

Sensitive, quiet, emotional,don't talk alot, keep to your self

have a big drama in your life

راعية حركات حلوه وعيك طلعات حلوه..واضحه

انا مو مرره اعرفك من داخل بس عندي احساس انك متعرضه لصدمه كبيره بحياتك

Reem

حساسة جداً وهالشي التمسته من كذا موقف حكيتيلي عنهم وكانت ردت فعلك فيهم جداً مأثرة

أحس فيك تشائم وتحبين تفرضين ضيقة الصدر على نفسك ..من ايش عرفت ؟؟ من توبيكاتك على الماسنجر

مااحسك عصبية ابد..رومانسية

عندك ذوق مميز بستايلك بشكل عام سواء بلبسك او شعرك او حتى مكياجك

عاشق مجدونا
تحب الحق ..... تكتب بكل عنفوان انثوي .... صوت ينطلق من مدونة الى ارجاء قلبها طيب .. هادئة ... حالمة ... رومانسية بعنفوان ..صامتة كلامها قليل
البرود على الماسنجر لدرجة اني اسألها عن سالفة واروح اسوي ابريق شاهي وارجع وهي ما ردت المزاجية .... تسولف وماسك الطارة ومتحمس .... وتحسبها تسمع لك شوي والا مكتوب نايمة .... تحطيم ياعالم تحطيم

نديم

هاديه لطيفه تجد معها صدق في الكلام ووضح في الهدف تقدم نفسها بثقه ولا تحس بضيقها منك لانه تحتوي الاخر بلطفها ويعجبني فيها صبرها وضحكتها وحلمها ولا يعجبني فيها نظرته
بطيبة الكل

Arwa

احببببببببك عسسسسسسسسل انتي

مسالمه بحالك طيبه مررررره..خفيفة دم

NOOF

انتي انسانة عنيده و مزاجية و ملولة .. بس حساااسة و طيبة وتشاركين احد بتشكية لك .. اممم تحاولين قد ما تقدرين تحققين احلامك .. طموحه ستايلك مميز .. بس تتأثرين بسرعه باللي حولك .. امم دمعتك قريبة .. من اول ما عرفتك حسيت اني عرفت لك .. فيك قشارة مو هينه.. بطلة .. حبوبة .. احلى مافيك انك عرفتيني لوول .. احسك متشائمة شوي ودايم شايلة هموم المجتمع على قلبك .. تحبين التغيير و تفاجأت فيك الفترة الاخيرة مرة يوم شفت كتاباتك .. عرفت رغد الثانية .. بس احسك متغيرة .. مو رغد الاولية :/ اول احسك فرفوشة اكثر وفيك حياة اكثر ونشوفك اكثر .. مدري اول غير ... مع ان اكتشفت فيك ناحية حلوة كثير و هي الكتابة .. احب فيك انك بطله ما تحطين شي بينك وبين صديزاتك .. حواجز يعني .. صريحه ... وبس تعبت وانا اكتب

Rawan

مادري وش اقول عنك..ودي ابكي وربي قاهرتني ماني عارفه وشلون اعدلك وارجعك مثل اول ..صايره بعيد عن العالم..بالذات عني مرررررررررره

بعنوني الحلوه اشوفك @@---> ترى اقول الصدز ما أجاملك
صديزه واكثر من اخت بالنسبه لي أحبــــك يابطتي ممممممم وكمان طيوبه وعسوووووله ومرررررره ذووووق ذووووق وخدومه وتعرفين تنصحين ^_^ وافلل ابو شي
اللي مايعجبني فيك --> غامضه وبقوووه مو اي شي تحكينه >_<

مرررره حسااااسه ولاقطعتي تقطعين بقوووه لازم الواحد يكسر جوالك لين تردين

وعنيييييده بقووووه لازم
اترجاك عشان تطلعين تغيرين جوو.
واشياء احسها فيناا انا وياك هبالــــــنا ذيك الايام لا اجتمعنا P;ومزاجيه مثلي لاابعد الحدود يعني مو اي شي يعجبناا نمل بسرعه مانحب الروتين ..
بس اقولك ارجعي يارغوودي اول أو الحقي نفسك لاتزودين اكثر من كذااا
( I miss you roro)

يا قلب لا تحزن

.

حياة المراه هنا يتحكم بها الرجل اولا كالعامل بكفيل

ان كان لينا كان من حظها وان كان قاسيا كان جحيمها

.

اقتباس رد لي بالمنتدى لحال امراه اخرى :

وحده نعرفها زوجها ليل ونهار ضرب فيها وساكته لانها محتاجه له ووضع اهلها مو احسن من زوجها ولو طلبت الطلاق عارفه ممكن تنحرم من عيالها ولا فيه احد معاها اخر مره زوجها ضربها بخشب جلدها بنزف وجروح كبيره وصلت معاها واخذت تاكسي تروح للمستشفى

خيطوا جروحها و كتب تقرير الدكتور "المصري راحمها " عن الجروح الي صارت لها والضرب العنيف

راحت للمحكمه بالتقرير بتطلب الطلاق

قالوا لها الي في المحكمه جاية تشتكين على زوجك علشانه يحاول يأدبك!!

مارح يأدبك الا انك مسويه شي !!

وبعد طالعه مع تاكسي بدون محرم!!

مدري يبونها تنزف حتى تموت !!

ويبونها تسكت على الحقير الي عايشه معاه

الحكم طبعا مو معاها و لا اهل معاها ولا زوج ولا دولة

تطلب حقوقها والرحمه الانسانية من مين ؟؟

لو في دولة اجنبية كيف رح يكون الحكم على زوجها؟

ياكثير هالقصص هنا كل شي بيد الرجال ..واغلب الرجل مع الرجل حق او باطل

دعواتي من كل قلبي لكل وحده تعاني من ظلم هنا وتحتسب الاجر

اما الي ما شافوا الظلم بحياتهم الله يجعله دوم ودايم احمدوا ربكم على هالحياة بس لا تتدخلون بحياة البنات الي يعانون وتقولون مافيه حالات كذا علشانكم في نعيم كفاية عليهم رجالهم مو لازم دايم تتهمش علشان الغير عايش حتى في الدين مايرضى لها هالعيشه

.

.

.

اشباه الرجال و يا قلب لا تحزن

sorry my room

اخ اليوم يوم مدري ايش يبي

طبعا بكل مناسبة زواج او ملكة لازم دموعي ماتسكت

بعد ما شفت جوجو بدت زفتها الي يشوف حالي كنه ميت لي احد

امي بكل زواج او مناسبة مؤثرة تهدد فيني ساعه لاتقعدين تصيحين وتخربين مكياجك

بعد التعب والكرف كل الي افكر فيه سريري وغرفتي الدافيه خصوصا اني مانمت امس الا ساعتين

رجعت البيت متأخره واكره ارجع البيت مثل هالوقت..الاقي غرفتي مقفلة !!

اسال اخواتي كل وحده تقول مو انا قفلتها..سالت كل البيت ودورت المفتاح بكل البيت

اخر شي قلت ما فيه الا اختي ماخذة المفتاح وراحت لبيتها بدون ماتعطينا

اتصل عليها وارسل لها وهي انواع الطناش

حتى السبير جوا غرفتي

انا الحين اتكلم من وسط برد عنيف بغرفة اخوي بجهازه

حسيت قد ايش غرفتي مهمه كثر ما كنت قبل ابي اغيرها علشان تذكرني بحاجات كثير

:(